یہ رپورٹ محکمہ موسمیات پاکستان   کے61  موسمیاتی مشاہدہ گاہوں  سے حاصل کردہ 30 سالہ ڈیٹا (1991-2020) کی بنیاد پر پاکستان کے زرعی و موسمیاتی حالات پیش کرتی ہے۔ اس میں ایسے نقشے شامل ہیں جو موسمِ ربیع (اکتوبر تا اپریل) اور موسمِ خریف (اپریل تا اکتوبر) کے دوران اہم موسمی اشاریوں بشمول درجہ حرارت (کم سے کم اور زیادہ سے زیادہ)، بارش، ہوا میں نمی، حوالہ جاتی بخارات  اور بادلوں کی صورتحال کو واضح کرتے ہیں۔ مزید برآں، یہ نقشے مون سون (جولائی تا ستمبر) اور سالانہ بنیادوں پر بھی موسمی صورتحال کا احاطہ کرتے ہیں۔ مختلف موسمی پیرامیٹرز کے یہ نقشے، جو موسمی، مون سون اور سالانہ بنیادوں پر ڈیٹا کی نمائندگی کرتے ہیں، یقیناً ملک بھر میں مختلف موسمی عوامل میں ہونے والی تبدیلیوں کو سمجھنے میں مددگار ثابت ہوں گے۔